思君怨

《思君怨》Su Kun Uàn
胡美紅Oô Bí-hông

一更來更鼓啊月照山
tsi̍t-kinn lâi kinn-kóo--ah ge̍h tsiò suann
牽君仔的手啊摸心肝
khan kun-á ê tshiú--ah bong sim-kuann
阮今來問君仔欲按怎
gún tann lâi mn̄g kun-á bueh án-tsuánn
希望阿君仔來做伴
hi-bāng a-kun-á lâi tsuè-phuānn

二更來月光啊照入房
jī-kinn lâi ge̍h-kng--ah tsiò ji̍p pâng
冷淡的床中啊阮一人
líng-tām ê tshn̂g-tiong--ah gún tsi̍t-lâng
阮今來孤單啊守空房
gún tann lâi koo-tuann--ah siú khang- pâng
一暝來感覺啊像一冬
tsi̍t-mî lâi kám-kak--ah tshiūnn tsi̍t-tang

三更來月光啊在空中喔
sann-kinn lâi ge̍h-kng--ah tsāi khong-tiong--ooh
規暝來無君啊想情郎
kui-mî--lâi bô kun--ah siūnn tsîng-lông
等無郎君仔啊真冤枉
tán bô lông-kun-á--ah tsin uan-óng
郎君來怎樣啊遮梟雄
lông-kun lâi tsuánn-iūnn--ah tsiah hiau-hiông

四更來月光啊伴月光喔
sì-kinn lâi ge̍h-kng--ah phuānn ge̍h-kng--ooh
等無來郎君啊心頭酸
tán bô lâi lông- kun--ah sim-thâu sng
一心來望君仔會倒轉
tsi̍t-sim lâi bāng kun-á ē tò-tńg
怎樣到今啊未入門
tsuánn-iūnn kàu- tann--ah buē ji̍p-mn̂g

五更來月光啊斜落西喔
gōo-kinn--lâi ge̍h-kng--ah tshiâ lo̍h sai--ooh
等無來郎君啊通轉來
tán bô lâi lông-kun--ah thang tńg--lâi
阮今來想著真不該
gún tann--lâi siūnn-tio̍h tsin put-kai
怎樣來無批啊予阮知
tsuánn-iūnn--lâi bô phue--ah hōo gún tsai