KIHIHI

KIHIHI歌词

ཀི་ཧི་ཧི།
词曲：德吉老爷
编曲:旦旦
ཕོ་ལྷ་བསོ། དགྲ་ལྷ་བསོ། ཡུལ་ལྷ་བསོ།
ཤར་རྨ་ཆེན་སྤོམ་ར་ལ་གསོལ།
ལྷོ་ཁ་བ་དཀར་པོ་ལ་གསོལ།
ནུབ་སྒྱོགས་ཆེན་གདོང་ར་ལ་གསོལ།
བྱང་གཉན་ཆེན་ཐང་ལྷ་ལ་གསོལ།
གསོལ་ལོ་གསོལ་ལོ།
ཕོ་ལྷ་ཕོ་ལྷ།
ཕོ་ལྷ་གསོལ། དགྲ་ལྷ་གསོལ། ཡུལ་ལྷ་གསོལ།
གནས་འདི་ལ་བཞུགས་པའི་ཡུལ་ལྷ་གཞི་བདག་དཔའ་བོ་མཁའ་འགྲོ་ཆོས་སྐྱོང་སྲུང་མ་ལ་གསོལ།
ནོར་ལྷ་གཏེར་བདག་ཆུ་ལྷ་ས་བདག་མི་ལྷ་སྡེ་བདག་ལ་གསོལ།
གཡས་རི་བྲག་རི། གཡོན་རི་ནགས་རི་ལ་གསོལ།
མདུན་རི་སྤང་རི། རྒྱབ་རི་གངས་རི་ལ་གསོལ།
ཡུལ་འདིའི་ཡུལ་ལྷ་ས་འདིའི་ས་བདག་ལ་གསོལ།
ས་གར་སོང་ཡུལ་གར་འགྲོ་གནས་གར་བསྡད།
ཁ་འཛིན་རྒྱབ་ནས་སྐྱོར་རོགས།
དཔལ་གཡོག་དཔོན་ནས་རོགས་རོགས།
ཁ་ལག་པ་བཞིན་དུ་སྐྱོབ་མ།
ལུས་གྲིབ་མ་བཞིན་དུ་གཡོར་མ།
སེམས་སྐྱོར་མ་བཞིན་དུ་བརྟན་མ།
མིག་ཁྲ་ཆུང་བཞིན་དུ་སྲུང་མ།
ཁ་རྗེ་ནི་ཁ་བ་འབབ་འབབ།
དབང་ཐང་ནི་བུ་ཡུག་འཚུབ་འཚུབ།
ཁ་ལས་རླུང་རྟ་དར་ཕྱར་ཕྱར།
བྱ་བ་ལམ་འགྲོ་བྲག་རྩིག་རྩིག
བསོད་ནམས་དབང་ཐང་མཚོ་འཕྱུར་འཕྱུར།
མཚན་སྙན་འབྲུག་སྒྲ་ལྟར་གྲག་གྲག
གཟི་བརྗིད་ཉི་འོད་བཞིན་འཚེར་འཚེར།
གངས་དཀར་པོ་་་ཡང་རྩེ་ལ་་་མཚོན་སྣ་ལྔའི་་་་་དར་སྒྲོན་དུས། ཀི་ཧི་ཧི།
རྫ་མཐོན་པོ་་་རི་རྩེ་ནས་་་སྲུང་རླུང་རྟ་་་ཡར་མཆོད་དུས། ཀི་ཧི་ཧི།
ཐང་ཆེན་པོ་ཡངས་དཀྱིལ་ནས་རྟ་འདོ་བའི་བང་འགྲན་དུས། ཀི་ཧི་ཧི།
བུ་དཔའ་པོ་དཔུང་སྒྲིག་ནས་དགྲ་ནག་པོར་དབང་བསྒྱུར་དུས། ཀི་ཧི་ཧི།
ཁོ་རེ།
རྟ་ཕོ་འདྲ་མཉམ་རྒྱུག་ཉིན་མོ།
སྲབ་མདའ་གང་གི་ཤོར་བ་ཤོག
མི་ཕོ་འདྲ་མཉམ་ཞུགས་ཉིན་མོ།
མོག་དཀར་གང་གི་མཐོ་བ་ཤོག
བུ་བཟང་ན་དཔའ་བོ་གཅིག
རྟ་བཟང་ན་ལྕག་ཚན་གཅིག
ཆང་བཟང་ན་དཀར་ཡོལ་གང་།
ཡ་ཆུང་ཁོག་ནས་རྟ་རྒྱུག་དགོས།
མ་ཆུང་ཁོག་ནས་ངལ་གསོ་དགོས།
ཨ་ཡོད་ནང་གི་ད་ཡོད་དགོས།
སྒོ་ང་ནང་གི་སེར་རུ་དགོས།
ཡ། དགོས་མི་དགོས་བར་ནས་མང་པོ་བཤད་མི་དགོས་གདའ།
འགྲོ་མི་འགྲོ་ཐོན་དུས་ཐེ་ཚོམ་བྱེད་མི་དགོས།
ཁོ་རེ། ཕ་བཟང་ལ་བུ་དགོས།
རིགས་བཟང་ལ་རྒྱུད་དགོས།
རུས་བཟང་ལ་རྐང་དགོས།
གྲོགས་མཐུན་གྱི་ཚིག་དགོས།
གྲོས་མཐུན་གྱི་བློ་དགོས།
ཀུན་ཕན་གྱི་སེམས་དགོས།
ཕོ་ལ་ཕོ་ཚུགས་དགོས།
མོ་ལ་མོ་གཟུགས་དགོས།
ཁྱོས། ཕ་ལོའི་གསེར་གྱི་རལ་གྲི་རྡོ་ལ་མ་གཡུག
མ་ལོའི་སྟག་མོའི་འཛུམ་མདངས་མ་སྦྱིན།
ཀི་ཧི་ཧི་གྲགས་སའི་ས་ཕྱོགས་དེ་ངའི་ཕ་ཡུལ་རེད།
ཀི་ཧི་ཧི་བསྒྲགས་མཁན་མི་ཚོགས་དེ་ངའི་སྤུན་ཟླ་རེད།
གནམ་གྱི་སྒྲ།ས་ཡི་སྒྲ།ཡུལ་གྱི་སྒྲ།
ལུས་ཀྱི་སྒྲ།ངག་གི་སྒྲ།ཡིད་ཀྱི་སྒྲ།
ཁྱེད་ཀྱི་སྒྲ་ང་ཡི་སྒྲ།
བོད་ཀྱི་སྒྲ།
ཁྲག་གི་གཞུར་སྒྲ།
རྩ་ཡི་འཕར་སྒྲ།
སྙིང་གི་ལྡིང་སྒྲ།
ས་སྒྲ་མེ་སྒྲ་རླུང་སྒྲ་ཆུ་སྒྲ།
གནམ་གྱི་སྒྲ།ས་ཡི་སྒྲ།ཡུལ་གྱི་སྒྲ།
ལུས་ཀྱི་སྒྲ།ངག་གི་སྒྲ།ཡིད་ཀྱི་སྒྲ།
ཁྱེད་ཀྱི་སྒྲ་ང་ཡི་སྒྲ།
བོད་ཀྱི་སྒྲ།
རྟ་ཕོའི་རྨིག་སྒྲ།
མི་ཕོའི་ཀི་སྒྲ།
མེ་མདའི་འུར་སྒྲ།
ས་སྒྲ་མེ་སྒྲ་རླུང་སྒྲ་ཆུ་སྒྲ།
གངས་དཀར་པོ་་་ཡང་རྩེ་ལ་་་མཚོན་སྣ་ལྔའི་་་་་དར་སྒྲོན་དུས། ཀི་ཧི་ཧི།
རྫ་མཐོན་པོ་་་རི་རྩེ་ནས་་་སྲུང་རླུང་རྟ་་་ཡར་མཆོད་དུས། ཀི་ཧི་ཧི།
ཐང་ཆེན་པོ་ཡངས་དཀྱིལ་ནས་རྟ་འདོ་བའི་བང་འགྲན་དུས། ཀི་ཧི་ཧི།
བུ་དཔའ་པོ་དཔུང་སྒྲིག་ནས་དགྲ་ནག་པོར་དབང་བསྒྱུར་དུས། ཀི་ཧི་ཧི།

ཕོ་ལྷ་གསོལ། དགྲ་ལྷ་གསོལ། ཡུལ་ལྷ་གསོལ།
གནས་འདི་ལ་བཞུགས་པའི་ཡུལ་ལྷ་གཞི་བདག་དཔའ་བོ་མཁའ་འགྲོ་ཆོས་སྐྱོང་སྲུང་མ་ལ་གསོལ།
ནོར་ལྷ་གཏེར་བདག་ཆུ་ལྷ་ས་བདག་མི་ལྷ་སྡེ་བདག་ལ་གསོལ།
གཡས་རི་བྲག་རི། གཡོན་རི་ནགས་རི་ལ་གསོལ།
མདུན་རི་སྤང་རི། རྒྱབ་རི་གངས་རི་ལ་གསོལ།
ཡུལ་འདིའི་ཡུལ་ལྷ་ས་འདིའི་ས་བདག་ལ་གསོལ།
ཀི་ཧི་ཧི་གྲགས་སའི་ས་ཕྱོགས་དེ་ངའི་ཕ་ཡུལ་རེད།
ཀི་ཧི་ཧི་བསྒྲགས་མཁན་མི་ཚོགས་དེ་ངའི་སྤུན་ཟླ་རེད།
ཀི་ཧི་ཧི་གང་ནས་གྲགས་ན་ངའི་ཕ་མེས་རྣམ་ཤེས་དེ་ན་འཁོར།
ཀི་ཧི་ཧི་གང་ནས་གྲགས་ན་ངའི་ཕུ་ནུ་སྙིང་སྟོབས་དེ་ན་རྒྱས།
གནམ་གྱི་སྒྲ།ས་ཡི་སྒྲ།ཡུལ་གྱི་སྒྲ།
ལུས་ཀྱི་སྒྲ།ངག་གི་སྒྲ།ཡིད་ཀྱི་སྒྲ།
ཁྱེད་ཀྱི་སྒྲ་ང་ཡི་སྒྲ།
བོད་ཀྱི་སྒྲ།
ཁྲག་གི་གཞུར་སྒྲ།
རྩ་ཡི་འཕར་སྒྲ།
སྙིང་གི་ལྡིང་སྒྲ།
ས་སྒྲ་མེ་སྒྲ་རླུང་སྒྲ་ཆུ་སྒྲ།
གནམ་གྱི་སྒྲ།ས་ཡི་སྒྲ།ཡུལ་གྱི་སྒྲ།
ལུས་ཀྱི་སྒྲ།ངག་གི་སྒྲ།ཡིད་ཀྱི་སྒྲ།
ཁྱེད་ཀྱི་སྒྲ་ང་ཡི་སྒྲ།
བོད་ཀྱི་སྒྲ།
རྟ་ཕོའི་རྨིག་སྒྲ།
མི་ཕོའི་ཀི་སྒྲ།
མེ་མདའི་འུར་སྒྲ།
ས་སྒྲ་མེ་སྒྲ་རླུང་སྒྲ་ཆུ་སྒྲ།
གངས་དཀར་པོ་་་ཡང་རྩེ་ལ་་་མཚོན་སྣ་ལྔའི་་་་་དར་སྒྲོན་དུས། ཀི་ཧི་ཧི།
རྫ་མཐོན་པོ་་་རི་རྩེ་ནས་་་སྲུང་རླུང་རྟ་་་ཡར་མཆོད་དུས། ཀི་ཧི་ཧི།
ཐང་ཆེན་པོ་ཡངས་དཀྱིལ་ནས་རྟ་འདོ་བའི་བང་འགྲན་དུས། ཀི་ཧི་ཧི།
བུ་དཔའ་པོ་དཔུང་སྒྲིག་ནས་དགྲ་ནག་པོར་དབང་བསྒྱུར་དུས། ཀི་ཧི་ཧི།

专辑歌曲

所有歌曲

1.KIHIHI

热门歌曲