我的藝術生活

作詞：朱凌凌
作曲：朱凌凌
編曲：EdmondLeung．朱凌凌
監製：EdmondLeung

九級地震死好運

一個廢人無神神入咗演藝受訓
乜你有啲咁嘅才能架咩
系呀我定要發奮鍛練自己唯一嘅才能

眨下眼五年之間
一個廢人搖身一變成為藝術家
懷住滿腔熱誠出嚟定要玩轉劇壇
出到嚟一睇反曬白眼

要維持生計已成問題
出嗰雞碎咁多請你返去慢慢使
你話唔制佢話
無所謂橫掂出面人才濟濟我實揾到人代替
等我呢成日以為呢你以為乜嘢呀
讀完五年出嚟諗住學人搞返壇戲
打開存摺簿一睇就知道自己嘥鬼氣
銀行得嗰百幾夠俾屋企俾自己
定係死慳死抵還返啲grantloan尾數
前路茫茫個心惶惶今日風光聽日可能要轉行
轉行你仲有啲乜嘢強項
咁又係……呀……

毫無道理我洩氣皆因呢個圈子有一陣壞風氣
經常俾人問候餵你係老幾呀
哦原來佢哋鍾意禁低你嚟抬高自己
表現唔好我認衰表現得好正常都會俾人讚兩句吖
但係我冇罪何解會向個搭嗲區度俾人話我自吹自擂嘅

每個人都有自己條路咪貧能計清楚自己條數
你太憤怒搞到乜都做唔到
原地踏步歲月催人老
搞清楚乜嘢最想做崎嶇道路都要起步
昂然大踏步講咗就算數
自己揀嘅路就要當佢系寶

我有我生活我有我態度
你有你生活你有你態度
佢有佢生活佢有佢自己嘅態度
我有生活我有我態度
呢個理想可能定得太高
但係我會keep住做
做得唔好都好keep住做
Youshut嗲呀！我唔鍾意shut嗲呀！

我的藝術生活雖然生活坎坷
但係往往只向現實看你只會乾塘
我慶幸我勝任我仍能與藝術同行

身為一個演員心中存在無比自豪感
以生命影響生命每次受盡打撃過後我只會心感高興
增加個人經歷有助演術提升
我的藝術生活包含住一個極大使命

有啲兄弟姊妹畢業出嚟入咗大公司
入到去先知道嘩大大件事
每日返工好似違背自己嘅良知
藉此我要話你知
我哋一齊大我哋一齊挨
快啲出嚟接觸呢個世界感受嚇佢嘅趣怪
唔好再將自己收收埋埋onemoretime
我哋一齊大我哋一齊挨
快啲出嚟接觸呢個世界感受嚇佢嘅趣怪
唔好再將自己收收埋埋

雖然我心驚膽顫又起又跌
但係我每日就好似同你哋坐緊過山車咁好玩