心內戲

作詞：張祐奇
作曲：張祐奇
編曲：陳彥尊

一張電影票一杯咖啡
一個人去看戲孤單坐踮戲院
眼前全是一對一對的情人
這幸福的空氣予我想著咱的過去

嘛親像佇咧搬電影男女主角遐爾甜
這段情怎樣會變成我是我你做你

是愛了無夠濟抑是咱的熱情已經退
小小的誤會才知影咱愛面對的問題
兩個人的感情煞䞐我家己咧搬心內戲
無對手的這齣戲當時才會完結篇

6523/《心內戲》Sim-lāi-hì
郭忠祐Kueh Tiong-iū

一張電影票
tsi̍t-tiunn tiān-iánn-phiò
一杯咖啡
tsi̍t-pue ka-pi
一個人去看戲
tsi̍t-ê-lâng khì khuànn-hì
孤單坐踮戲院
koo-tuann tsē tiàm hì-īnn
眼前全是
gán-tsîng tsuân sī
一對一對的情人
tsi̍t-tuì-tsi̍t-tuì ê tsîng- jîn
這幸福的空氣
tse hīng-hok ê khong-khì
予我想著咱的過去
hōo guá siūnn-tio̍h lán ê kuè-khì

嘛親像佇咧搬電影
mā tshin-tshiūnn tī-leh puann tiān-iánn
男女主角遐爾甜
lâm-lú tsú-kak hiah-nī tinn
這段情
tsit tuānn tsîng
怎樣會變成
tsuánn-iūnn ē piàn-sîng
我是我
guá sī guá
你做你
lí tsuè lí

是愛了無夠濟
sī ài liáu bô-kàu tsē
抑是咱的熱情已經退
ia̍h-sī lán ê jia̍t-tsîng í-king thè
小小的誤會
sió-sió ê gōo-huē
才知影咱愛面對的問題
tsiah tsai-iánn lán ài bīn-tuì ê būn-tê
兩個人的感情
nn̄g-ê lâng ê kám-tsîng
煞䞐我家己咧搬心內戲
suah tshun guá ka-kī leh puann sim-lāi-hì
無對手的這齣戲
bô tuì-tshiú ê tsit tshut hì
當時才會完結篇
tang-sî tsiah ē uân-kiat-phinn