回鄉的我

作詞：黃秀清
作曲：黃秀清

走遍了天涯海角也是故鄉的月卡圓
吃遍了山珍海味也是阿娘煮的卡有滋味

秋風一年一年吹日子一工一工過
我已經是一個受盡風霜吃過苦楚的人

故鄉的父母久年無看的好朋友
早日使恁頭殼疼乎你煩惱的我
已經倒返來已經成功倒返來

《回鄉的我》Huê-hiong ê Guá
葉啟田Ia̍p Khé-tiân

走遍了天涯海角
tsáu piàn liáu thian-gâi hái-kak
也是故鄉的月較圓
iā sī kòo-hiong ê gue̍h khah înn
食遍了山珍海味
tsia̍h piàn liáu san- tin hái-bī
也是阿娘煮的較有滋味
iā sī a-niâ tsú ê khah ū tsu-bī

秋風一年一年吹
tshiu-hong tsi̍t- nî tsi̍t-nî tshue
日子一工一工過
ji̍t-tsí tsi̍t-kang tsi̍t-kang kuè
我已經是一個受盡風霜
guá í-king sī tsi̍t-ê siū tsīn hong-song
食過苦楚的人
tsia̍h kuè khóo-tshóo ê lâng

故鄉的爸母
kòo-hiong ê pē-bú
久年無看的好朋友
kú-nî bô-khuànn ê hó-pîng-iú
早日予恁頭殼疼
tsá-ji̍t hōo lín thâu-khak thiànn
予恁煩惱的我
hōo lín huân-ló ê guá
已經倒轉來
í-king tò-tńg--lâi
已經成功倒轉來
í-king sîng-kong tò-tńg--lâi