一心分兩人

作詞：趙伯幹
作曲：趙伯幹
編曲：盧志銘

一個心要分乎兩個人這款的愛情路你累也不累
一首歌要唱乎兩個人聽同款曲無同款心情

我對你向來無兩種心肝怎樣你攏是乎我心頭會驚
若是你襪凍專心好好來對待我那也不甘願放我煞

趕緊來對我講坦白趕緊乎我看破
乎我會凍行新的路乎我過新的生活
趕緊來對我講乎明你要愛叨一屏
不通乎我踮這塊等永遠塊孤單

-------------------------------- ----------

11924/《一心分兩人》Tsi̍t-sim Pun Nn̄g-lâng
羅時豐Lô Sî-hong

一個心
tsi̍t-ê sim
欲分予兩個人
beh pun hōo nn̄g-ê lâng
這款的愛情路
tsit khuán ê ài-tsîng-lōo
你忝抑袂忝
lí thiám ia̍h buē thiám
一首歌
tsi̍t-siú kua
欲唱予兩個人聽
beh tshiùnn hōo nn̄g-ê lâng thiann
仝款曲
kāng -khuán khik
無仝款心情
bô kāng-khuán sim-tsîng

我對你
guá tuì lí
向來無兩種心肝
hiàng-lâi bô nn̄g-tsióng sim-kuann
怎樣你攏是
tsuánn-iūnn lí lóng-sī
予我心頭會驚
hōo guá sim-thâu ē kiann
若是你袂當專心
nā-sī lí buē-tàng tsuan-sim
好好來對待我
hó-hó lâi tuì-thāi guá
哪猶毋甘願放我煞
ná iáu m̄ kam-guān pàng guá suah

趕緊來對我講坦白
kuánn-kín lâi tuì guá kóng thán-pe̍h
趕緊予我看破
kuánn-kín hōo guá khuànn-phuà
予我會當
hōo guá ē-tàng
行新的路
kiânn sin ê lōo
予我過新的生活
hōo guá kuè sin ê sing-ua̍h

趕緊來對我講予明
kuánn-kín lâi tuì guá kóng hōo bîng
你欲愛佗一爿
lí beh ài tó tsi̍t-pîng
毋通予我
m̄- thang hōo guá
踮遮咧等
tiàm tsia teh tán
永遠咧孤單
íng-uán teh koo-tuann