堤防邊的彼下埔

作詞：李岩修
作曲：徐嘉良

騎著我的彼台腳踏車一個人惦河邊慢慢踏
日頭炎但微微的風吹著真快活
就開始故事一段

想卡早有妳的相作伴兩個人用笑容相對看
幸福啊是輕輕甲你的手牽相偎煞變成過去比一段
堤防邊的腳架車陪我行過路一段
幸福傷心快樂甲心痛抹倘表達的心晟
像風箏飛甲看無影

堤防邊的腳踏車甲我躺惦大樹腳
天頂有風無雲日照影
目睛濕濕想著啥不是傷心是孤單
愛情是過去的卡早

------------ ------------------------------

《駁岸邊的彼下晡》Poh-huānn Pinn ê Hit Ē-poo
蒲庭龍Pôo Tîng-liông

騎著我的彼台跤踏車
khiâ tio̍h guá ê hit tâi kha-ta̍h-tshia
一個人踮河邊慢慢踏
tsi̍t-ê-lâng tiàm hô-pinn bān-bān ta̍h
日頭炎
ji̍t-thâu iām
但微微的風
nā bî-bî ê hong
吹著真快活
tshue tio̍h tsin khuìnn-ua̍h
就開始故事一段
tiō khai-sí kòo-sū tsi̍t-tuānn

想較早
siūnn khah-tsá
有你的相做伴
ū lí ê sio tsuè-phuānn
兩個人
nn̄g-ê lâng
用笑容相對看
iōng tshiò-iông sio-tuì khuànn
幸福啊
hīng-hok--ah
是輕輕共你的手牽相倚
sī khin-khin kā lí ê tshiú khan sio-uá
煞變成過去彼一段
suah piàn-sîng kuè-khì hit tsi̍t-tuānn

駁岸邊的跤踏車
poh-huānn pinn ê kha-ta̍h-tshia
陪我行過路一段
puê guá kiânn kuè lōo tsi̍t-tuānn
幸福傷心
hīng-hok siong-sim
快樂佮心疼
khuài-lo̍k kah sim thiànn
袂當表達的心情
buē-tàng piáu -ta̍t ê sim-tsiânn
你我眼神相對看
lí guá gán-sîn sio-tuì khuànn
像風吹
tshiūnn hong-tshue
飛甲看無影
pue kah khuànn-bô iánn

駁岸邊的跤踏車
poh-huānn pinn ê kha-ta̍h-tshia
佮我倒踮大樹跤
kah guá tó tiàm tuā- tshiū-kha
天頂有風無雲日照影
thinn-tíng ū hong bô hûn ji̍t tsiò iánn
目睭澹澹想著啥
ba̍k-tsiu tâm-tâm siūnn-tio̍h siánn
毋是傷心是孤單
m̄-sī siong-sim sī koo-tuann
愛情是過去的較早
ài-tsîng sī kuè-khì ê khah-tsá