愛妻總鋪師

作詞：蔡湘宜
作曲：江雯

做一個一流總舖師
算袂清多濟手路菜
山珍佮海味真澎派呷了會涮嘴通人知
上內行主顧阮太太別人的口味伊無愛
哈尼的輕重我上知你看伊遐塞奶對我崇拜

我就是愛妻總舖師出名熬煮菜
緣投漂撇疼某得金牌
我就是愛妻總舖師料理通人愛
毋信你呷看覓咿哎咿哎咿哎咿哎
試了你就知

------------------------------------------

12148/《愛妻總舖師》Ài Tshe Tsóng-phòo-sai
陳隨意Tân Suî-ì

做一個一流總舖師
tsuè tsi̍t-ê it-liû tsóng-phòo-sai
算袂清偌濟手路菜
sǹg buē-tshing guā-tsuē tshiú-lōo-tshài
山珍佮海味真豐沛
san-tin kah hái-bī tsin phong-phài
食了會紲喙通人知
tsia̍h liáu ē suà-tshuì thong-lâng tsai

上內行主顧阮太太
siōng lāi-hâng tsú-kòo gún thài -thài
別人的口味伊無愛
pa̍t-lâng ê kháu-bī i bô-ài
Honey的輕重我上知
há-nih ê khin-tāng guá siōng tsai
你看伊遐司奶
lí khuànn i hiah sai-nai
對我崇拜
tuì guá tsông-pài

我就是愛妻總舖師
guá tiō-sī ài tshe tsóng-phòo-sai
出名𠢕煮菜
tshut-miâ gâu tsú-tshài
緣投飄撇
iân-tâu phiau-phiat
疼某著金牌
thiànn bóo tio̍h kim-pâi

我就是愛妻總舖師
guá tiō-sī ài tshe tsóng-phòo-sai
料理通人愛
liāu-lí thong-lâng ài
毋信你食看覓
m̄ sìn lí tsia̍h khuànn-māi
啊咿啊咿啊咿啊
ah-ih ah-ih ah-ih-ah
啊試了你就知
ah tshì liáu lí tiō tsai