總會有一工

作詞：曾瑋中
作曲：曾瑋中
編曲：翁偉瀚

又閣過一工你敢有閣較接近你的夢
日時拼到日頭暗無一工會當輕鬆

想起彼一工你決定接受挑戰來承擔
為著理想佮希望偌濟考驗嘛袂喊忝

咱是善良的人做著無仝的夢
但是心內有仝款信念才敢用一擺的青春去冒險

我相信總會有一工會鼻著花開的芳
就算失敗毋免驚做你去享受風吹雨淋
我知影總會有一工會看著花開的紅
拄著困難愛更加勇敢等天若光又閣是新的一工

漸漸失去控制的體重愈來愈猖狂的白頭鬃
面對是一工逃避嘛是一工我是無可能投降

18656/《總會有一工》Tsóng Ē Ū Tsi̍t-kang
曾瑋中Tsan Uí -tiong/Kuljelje

又閣過一工
iū-koh kuè tsi̍t-kang
你敢有閣
lí kám ū koh
較接近你的夢
khah tsiap-kīn lí ê bāng
日時拼到日頭暗
ji̍t--sî piànn kàu ji̍t-thâu àm
無一工會當輕鬆
bô tsi̍t-kang ē-tàng khin- sang

想起彼一工
siūnn-khí hit-tsi̍t-kang
你決定
lí kuat-tīng
接受挑戰來承擔
tsiap-siū thiau-tsiàn lâi sîng-tam
為著理想佮希望
uī-tio̍h lí-sióng kah hi-bāng
偌濟考驗
guā-tsuē khó-giām
嘛袂喝忝
mā buē huah thiám

咱是善良的人
lán sī siān-liông ê lâng
做著無仝的夢
tsuè tio̍h bô-kāng ê bāng
但是心內
tān-sī sim-lāi
有仝款信念
ū kāng-khuán sìn-liām
才敢用一擺的青春
tsiah kánn iōng tsi̍t-pái ê tshing-tshun
去冒險
khì mōo-hiám

我相信總會有一工
guá siong-sìn tsóng ē ū tsi̍t-kang
會鼻著花開的芳
ē phīnn-tio̍h hue khui ê phang
就算失敗毋免驚
tiō-sǹg sit-pāi m̄-bián kiann
做你去享受風吹雨淋
tsuè lí khì hiáng-siū hong tshue hōo lâm

我知影總會有一工
guá tsai-iánn tsóng ē ū tsi̍t-kang
會看著花開的紅
ē khuànn-tio̍h hue khui ê âng
拄著困難
tú-tio̍h khùn-lân
愛更加勇敢
ài kìng-ka ióng-kám
等天若光
tán thinn nā kng
又閣是新的一工
iū-koh sī sin ê tsi̍t-kang

漸漸失去控制的體重
tsiām-tsiām sit-khì khòng-tsè ê thé-tāng
愈來愈猖狂的白頭鬃
jú lâi jú tshiong-kông ê pe̍h thâu-tsang
面對是一工
bīn-tuì sī tsi̍t-kang
逃避嘛是一工
tô-pī māsī tsi̍t-kang
我是無可能投降
guá sī bô khó-lîng tâu-hâng