打溜崎

作詞：陳永淘
作曲：陳永淘

翕相師傅阿裁哥滿山打風景
山花開來心花開七恰就翕起來
一陣風來一陣雨㸎爧又響雷公
吂落水就先唱歌較落也無幾多
好得你來打溜崎溜到哩水上來
水上來呀心花開歌子也唱起來
哪唉喲喲唉唉喲喲水上呵呵嘿嘿
哪唉喲喲哪唉喲喲水上嘿嘿呵呵
朝晨頭到下晝頭等你到暗晡頭
早得時也慢得時等你就吂得時
老蛇龜你走江湖天下交朋友
朋友多來天天醉醉湖中日月長
水流東該水流西日月不多知
毋多知系怪東西你無忍就白了頭
白了頭也無關係莫做鹹魚頭
仰得你個人情過哪半夜還擐酒來
老樹頭上貓頭鳥孤老的咕咕咕咕
夜呱鳥你沒魚賽樹椏項發拙呆
你鳥頭來哩馬咶頭掌空空個飯盆頭
你乖乖來怪怪孤老的怪怪怪怪
起狂風來奏狂雨㸎爧又響雷公
天搖搖個地動動牛𧊅像老伯公
竹夾𧊅細青𧊅唊唊唊咭咭𧊅𧊅
蛤蟆哥蟾蜍囉eb eb eb 摑摑𧊅𧊅
竹夾𧊅細青𧊅唊唊唊咭咭𧊅𧊅
蛤蟆哥蟾蜍囉eb eb eb 摑摑𧊅𧊅
細阿姐著迷你裙喏騎過老吊橋
口水狗個澇澇澇澇五六七八九條
畚箕窩個牛車路崎山花日日開
老日頭也愛上塒竹雞仔咭摑𧊅
畚箕窩個牛車路崎山花日日開
老日頭也愛上塒竹雞仔仰般形咭摑𧊅