故鄉限時批

故鄉一張限時批爸爸親筆寫的
內容雖然寫無多一字一句疼入阮心底
問我生活甘有困難頭路甘好勢
問我三頓吃會飽抹
天氣變冷著照顧身體
冷雨暗風吹出外人怨嗟
目屎已滴濕歸張批

批信寫無歸行字目屎著流抹離
離開故鄉歸半年不曾有閒倒返去
異鄉冷暖苦澀滋味我已終慣習
日子過的雖不如意
批信也不敢提起半字
思念故鄉親思念故鄉味
思念故鄉的秋月圓

《故鄉限時批》Kòo-hiong Hān-sî-phue
詹雅雯Tsiam Ngá-bûn

故鄉一張限時批
kòo -hiong tsi̍t-tiunn hān-sî-phe
爸爸親筆寫的
pá-pah tshin-pit siá--ê
內容雖然寫無濟
luē-iông sui-liân siá bô tsuē
一字一句疼入阮心底
tsi̍t-jī tsi̍t-kù thiànn-li̍p gún sim-té

問我生活敢有困難
mn̄g guá sing-ua̍h kám ū khùn- lân
頭路敢好勢
thâu-lōo kám hó-sè
問我三頓食會飽袂
mn̄g guá sann-tǹg tsia̍h ē pá--buē
天氣變冷著照顧身體
thinn-khì piàn líng tio̍h tsiàu-kòo sin-thé
冷落暗風吹
líng-lo̍h àm-hong tshue
出外人怨戚
tshut-guā-lâng uàn-tsheh
目屎已滴澹規張批
ba̍k-sái í tih tâm kui tiunn phe

批信寫無幾行字
phue-sìn siá bô kuí hâng jī
目屎就流袂離
ba̍k-sái tiō lâu buē-lī
離開故鄉規半年
lī-khui kòo-hiong kui puànn-nî
毋捌有閒倒轉去
m̄ bat ū-îng tò-tńg--khì

異鄉冷暖苦澀滋味
ī-hiong líng-luán khóo-siap tsu-bī
我已經慣勢
guá í- king kuàn-sì
日子過得雖不如意
ji̍t-tsí kuè tit sui put lû-ì
批信也毋敢提起半字
phue-sìn iā m̄-kánn thê-khí puànn- jī
思念故鄉親
su-liām kòo-hiong tshin
思念故鄉味
su-liām kòo-hiong bī
思念故鄉的秋月圓
su-liām kòo-hiong ê tshiu-gue̍h înn