心內有別人

作詞：許常德
作曲：許常德
編曲：章世和

雨落袂停是愛你太天真我看袂清黑暗中的前景
當初你向阮討一生如今你三言就轉變
欲按怎還我由傷心來決定

事到如今是海面冷清清船過無停是愛人無堅定
伊乎你成功和名聲我乎你山盟和海誓
要按怎贏全憑你對阮的良心

明知你心內有別人早就有別人
想袂透感情會凍用買賣犧牲咱的一切

一定是心內有別人又不甘將阮放
永遠永遠是你害我騙我需要的時間

為何你無信心靠咱打拼幸福的前程
愛我的真心變成貪心天攏袂忍心

------------------------------- -----------

6748/《心內有別人》Sim-lāi ū Pa̍t-lâng
蔡淳雲Tshuà Sûn-ûn

雨落袂停
hōo lo̍h buē-thîng
是愛你太天真
sī ài lí thài thian-tsin
我看袂清
guá khuànn buē tshing
烏暗中的前景
oo-àm tiong ê tsiân-kíng
當初你向阮討一生
tong-tshoo lí hiòng gún thó it-sing
如今你三言就轉變
jû-kim lí sam-giân tiō tsuán-piàn
欲按怎還
beh án-tsuánn hîng
我由傷心來決定
guá iû siong-sim lâi kuat-tīng

事到如今
sū kàu jû-kim
是海面冷清清
sī hái-bīn líng-tshing-tshing
船過無停
tsûn kuè bô thîng
是愛人無堅定
sī ài- jîn bô kian-tīng
伊予你成功佮名聲
i hōo lí sîng-kong kah miâ-siann
我予你山盟佮海誓
guá hōo lí san-bîng kah hái-sè
欲按怎贏
beh án-tsuánn iânn
全憑你對阮的良心
tsuân pîn lí tuì gún ê liông-sim

明知你心內有別人
bîng-tsai lí sim-lāi ū pa̍t-lâng
早就有別人
tsá tiō ū pa̍t-lâng
想袂透感情
siūnn buē thàu kám-tsîng
會當用買賣
ē-tàng iōng bué-buē
犧牲咱的一切
hi-sing lán ê it-tshè

一定是心內有別人
it-tīng sī sim -lāi ū pa̍t-lâng
又毋甘將阮放
iū m̄-kam tsiong gún pàng
永遠永遠
íng-uán íng-uán
是你害我
sī lí hāi guá
騙我需要的時間
phiàn guá su-iàu ê sî-kan
---

為何你無信心
uī-hô lí bô sìn-sim
靠咱拍拼幸福的前程
khò lán phah-piànn hīng-hok ê tsiân-tîng
愛我的真心
ài guá ê tsin-sim
變成貪心
piàn-sîng tham-sim
天攏袂忍心
thinn lóng buē jím-sim

明知你心內有別人
bîng-tsai lí sim-lāi ū pa̍t-lâng
早就有別人
tsá tiō ū pa̍t-lâng
想袂透感情
siūnn buē thàu kám-tsîng
會當用買賣
ē-tàng iōng bué-buē
犧牲咱的一切
hi-sing lán ê it-tshè

一定是心內有別人
it-tīng sī sim-lāi ū pa̍t-lâng
又毋甘將阮放
iū m̄-kam tsiong gún pàng
永遠永遠
íng-uán íng-uán
是你害我
sī lí hāi guá
騙我需要的時間
phiàn guá su-iàu ê sî-kan