無伊我不娶

編曲：紀明揚

孤單在窗邊仰頭來看著山頂彼平故鄉同款美麗的天星
乎阮想著故鄉的愛人每暗陪阮談情到半暝
雖然離開伊我孤單到都市認真打拼也是為著伊
相思到深更我寫批傳情絲還袂成功歹勢去找伊
拜託天星替我對伊表達心內滿腹的情意

------------------------------------------

9011/《無伊我毋娶》Bô I Guá M̄-tshuā
沈文程Sím Bûn-tîng

孤單在窗邊
koo-tuann tsāi thang-pinn
攑頭來看著
gia̍h-thâu lâi khuànn-tio̍h
山頂彼爿故鄉
suann-tíng hit-pîng kòo-hiong
仝款美麗的天星
kāng-khuán bí-lē ê thinn-tshinn
予阮想著
hōo gún siūnn-tio̍h
故鄉的愛人
kòo-hiong ê ài-jîn
每暗陪阮
muí-àm puê gún
談情到半暝
tâm-tsîng kàu puànn-mî

雖然離開伊
sui-jiân lī-khui i
我孤單到都市
guá koo-tuann kàu too-tshī
認真拍拼
jīn-tsin phah-piànn
也是為著伊
iā-sī uī-tio̍h i
相思到深更
siunn-si kàu tshim-kinn
我寫批傳情絲
guá siá-phue thuân tsîng-si
猶未成功
iáu-buē sîng-kong
歹勢去揣伊
pháinn- sè khì tshuē i

拜託天星
pài-thok thinn-tshinn
替我對伊
thè guá tuì i
表達心內滿腹的情意
piáu-ta̍t sim-lāi muá-pak ê tsîng-ì