哎呦喂呀

作詞：吳旭文
作曲：吳旭文

一圈頹頹惦塊阮身邊陰闇月娘是特別圓
牛郎織女塊創啥咪阮的腳手是冷吱吱
你甘無看出阮的心意

目屎滴入土原來是雨水你甘攏無感覺歹勢
一支小雨傘甲已拿常常氣甲阮甭講話
你猶原笑微微講等一個雨傘甩甲阮溼漉漉
哎呦哎呦喂呀你甘攏嘸知阮心內塊想啥昧
一段感情的心內話乎你當作塊講笑虧

哎呦哎呦喂呀你甘攏嘸知阮目屎塊滴啥昧
朋友講阮是一蕊花偏偏配你這個憨大呆(你是一個憨大呆)
哎呦哎呦喂呀你甘會嘸知阮生氣塊氣啥昧
應該寫一張絕情批嘸擱想罔想明知影咱是尚(蓋)速配

10977/《哎喲餵啊》Ai-iō-uê-ah
張清芳Tiunn Tshing-hong

一箍槌槌
tsi̍t-khoo thuî-thuî
徛踮咧阮身邊
khiā tiàm teh gún sin-pinn
盈闇月娘
îng-àm ge̍h-niû
是特別圓
sī ti̍k-pia̍t înn
牛郎織女咧創啥物
Gû-nn̂g Tsit-lú leh tshòng siánn-mi̍h
阮的跤手是冷吱吱
gún ê kha-tshiú sī líng-ki-ki
你敢無看出阮的心意
lí kám bô khuànn-tshut gún ê sim-ì

目屎滴落塗
ba̍k-sái tih lo̍h thôo
原來是雨水
guân-lâi sī hōo-tsuí
你敢攏無感覺歹勢
lí kám lóng bô kám-kak pháinn-sè
一枝小雨傘家己提
tsi̍t-ki sió-hōo-suànn ka-kī the̍h
定定氣甲阮無愛講話
tiānn-tiānn khì kah gún bô-ài kóng-uē
你猶原笑微微
lí iu-guân tshiò bî-bî
講等一下
kóng tán--tsi̍t -ē
雨傘甲阮澹leh-leh
hōo-suànn hiù kah gún tâm-leh-leh

哎喲哎喲餵啊
ai-iō ai-iō-uê-ah
你敢攏毋知
lí kám lóng m̄-tsai
阮心內咧想啥物
gún sim-lāi teh siūnn siánn-me̍h
一段感情的心內話
tsi̍t-tuānn kám-tsîng ê sim-lāi uē
予你當做咧講笑詼
hōo lí tòng-tsuè leh kóng-tshiò-khue

哎喲哎喲餵啊
ai -iō ai-iō-uê-ah
你敢攏毋知
lí kám lóng m̄-tsai
阮目屎咧滴啥物
gún ba̍k-sái teh tih siánn-me̍h
朋友講阮是一蕊花
pîng-iú kóng gún sī tsi̍t-luí hue
偏偏配你這個戇大呆
phian-phian phuè lí tsit ê gōng-tuā-tai
(偏偏你是一個戇大呆)
(phian-phian lí sī tsi̍t-ê gōng-tuā-tai)

哎喲哎喲餵啊
ai-iō ai-iō-uê-ah
你敢會毋知
lí kám ē m̄-tsai
阮受氣咧氣啥物
gún siūnn-khì teh khì siánn-me̍h
應該寫一張絕情批
ing-kai siá tsi̍t-tiunn tsua̍t-tsîng phue
毋過想罔想
m̄-koh siūnn bóng siūnn
明知影
bîng tsai-iánn
咱是上(蓋)四配
lán sī siōng(kài) sù-phuè