未來之光

囝仔你有聽到恐懼的聲，是社會吵鬧紛亂的聲
不管你的耳朵是要聽還不聽，每天不斷充滿暴力的聲

我要來對你們說一聲抱歉，讓你們來聽見無奈的聲
我會牽起你的雙手走在頭前陪你作夥走

望你們可以有善良的心望你們可以有正義的聲
望你們可以慈悲為懷望你們可以是非分明

望你們疼惜天然土地望你們可以來敬天畏地
望你們珍惜萬物的寶貴共同擁抱生命共同體

廣大的土地藏在腳底無盡的色彩綻放天空
夢幻的草原手牽手宇宙萬物四海包容

囝仔你有看到頭前的光，是咱的未來希望的光
美麗的山嶺清氣的海水善良的海豚他說想要來和咱做好朋友

-------------------------- ---------------

《未來之光》Bī-lâi tsi Kong
農村武裝青年樂團Lông-tshuan Bú-tsong Tshing-liân Ga̍k-thuân
主唱：阿達A-ta̍t (江育達Kang Io̍k-ta̍t)

囡仔你有聽著驚惶的聲
gín-á lí ū thiann-tio̍h kiann-hiânn ê siann
是社會吵鬧紛亂的聲
sī siā-huē tsháu-nāu hun-luān ê siann
毋管你的耳仔是欲聽抑毋聽
m̄-kuán lí ê hīnn-á sī beh thiann ia̍h m̄-thiann
每工不斷充滿暴力的聲
muí-kang put-tuān tshiong-buán pō-li̍k ê siann

我欲來對恁講一聲抱歉
guá beh lâi tuì lín kóng tsi̍t-siann phō-khiàm
予恁來聽見
hōo lín lâi thiann-kìnn
無奈的聲
bô-nāi ê siann
我會牽起你的雙手
guá ē khan-khí lí ê siang-tshiú
行佇頭前
kiânn tī thâu-tsîng
陪你做夥行
puê lí tsò-hué kiânn

望恁會當有善良的心
bāng lín ē-tàng ū siān-liông ê sim
望恁會當有正義的聲
bāng lín ē-tàng ū tsìng-gī ê siann
望恁會當慈悲為懷
bāng lín ē-tàng tsû-pi uī huâi
望恁會當是非分明
bāng lín ē-tàng sī-hui hun-bîng
望恁疼惜天然的土地
bāng lín thiànn-sioh thian-jiân ê thóo-tē
望恁會當來敬天畏地
bāng lín ē-tàng lâi kìng-thinn uì-tē
望恁珍惜萬物的寶貴
bāng lín tin-sioh bān-mi̍h ê pó-kuì
共同擁抱性命共同體
kiōng-tông ióng-phō sìnn-miā kiōng-tông-thé

廣大的土地藏在腳底guǎngdà de tǔdì cáng zài jiǎodǐ
無盡的色彩綻放天空wújìn de sècǎi zhànfàng tiānkōng
夢幻的草原手牽手mènghuàn de cǎoyuán shǒuqiānshǒu
宇宙萬物四海包容yǔzhòu wànwù sìhǎi bāoróng

望恁會當有善良的心
bānglín ē-tàng ū siān-liông ê sim
望恁會當有正義的聲
bāng lín ē-tàng ū tsìng-gī ê siann
望恁會當慈悲為懷
bāng lín ē-tàng tsû-pi uī huâi
望恁會當是非分明
bāng lín ē-tàng sī-hui hun-bîng
望恁疼惜天然的土地
bāng lín thiànn-sioh thian -jiân ê thóo-tē
望恁會當來敬天畏地
bāng lín ē-tàng lâi kìng-thinn uì-tē
望恁珍惜萬物的寶貴
bāng lín tin-sioh bān -mi̍h ê pó-kuì
共同擁抱性命共同體
kiōng-tông ióng-phō sìnn-miā kiōng-tông-thé

囡仔你有看著
gín-á lí ū khuànn-tio̍h
頭前的光
thâu-tsîng ê kng
是咱的未來
sī lán ê bī-lâi
希望的光
hi-bāng ê kng
美麗的山嶺
bí-lē ê suann-niá
清氣的海水
tshing-khì ê hái-tsuí
善良的海豬仔
siān-liông ê hái-ti- á
伊講想欲來佮咱
i kóng siūnn-beh lâi kah lán
做好朋友
tsò hó-pîng-iú