悲情的流浪漢

看彼邊的山崙思念故鄉彼個人
你的父母愛錢無了解阻礙咱將來
賭著男兒的意志才著流浪他鄉里
何必再想起啊~ 彼日的代誌

看天邊彼粒星思念彼時情難離
身邊只有吉他陪伴著寂寞心空虛
世情冷落嘆自己宛然黑雲罩滿天
何時出頭天啊~ 怨嘆流浪兒

看天頂的月娘思念舊情心綿綿
路燈暗淡宛然陪伴著寂寞流浪兒
寒夜冷風陣陣吹忍耐也是為前程
求神來庇佑啊~ 成功返鄉里

-------------------------------------- ----

《悲情的流浪漢》Pi-siong ê Liû-lōng-hàn
良山Liông-san

看彼爿的山崙
khuànn hit -pîng ê suann-lūn
思念故鄉彼個人
su-liām kòo-hiong hit ê lâng
你的爸母愛錢無了解
lí ê pē-bú ài-tsînn bô liáu-kái
阻礙咱將來
tsóo-gāi lán tsiong-lâi
賭著男兒的意志
tóo tio̍h lâm-jî ê ì-tsì
才著流浪他鄉里
tsiah tio̍h liû -lōng thann-hiunn-lí
何必再想起
hô-pit tsài siūnn-khí
啊~彼日的代誌
ah~ hit ji̍t ê tāi-tsì

看天頂彼粒星
khuànn thinn-tíng hit lia̍p tshinn
思念彼時情難離
su-liām hit-sî tsîng lân lī
身邊只有吉他
sin-pinn tsí -ū gì-tah
陪伴著寂寞心空虛
puê-phuānn tio̍h tsi̍k-bo̍k sim khang-hi
世情冷落嘆自己
sè-tsîng líng-lo̍h thàn tsū-kí
宛然烏雲罩滿天
uán-jiân oo-hûn tà muá-thinn
何時出頭天
hô-sî tshut-thâu-thinn
啊~怨嘆流浪兒
ah~ uàn-thàn liû-lōng-jî

看天頂的月娘
khuànn thinn-tíng ê ge̍h-niû
思念舊情心綿綿
su-liām kū-tsîng sim mî- mî
路燈暗淡
lōo-ting àm-tām
宛然陪伴著
uán-jiân puê-phuānn tio̍h
寂寞流浪兒
tsi̍k-bo̍k liû-lōng-jî
寒夜冷風陣陣吹
hân-iā líng-hong tsūn-tsūn tshe
忍耐也是為前程
jím-nāi iā-sī uī tsiân-tîng
求神來庇佑
kiû-sîn lâi pì-iū
啊~成功轉鄉里
ah~ sîng-kong tńg hiunn-lí